БАТКЕН: СУУГА ТҮШҮҮ КООПСУЗДУК ЭРЕЖЕЛЕРИН ЭСКЕРТЕБИЗ

Облус аймагындагы суу объектилеринде кырсыктын алдын алуу жана ыкчам чара көрүү максатында түшүндүрүү иштери жүргүзүлүүдө. Алгачкылардан болуп, Баткен шаардык өзгөчө кырдаалдар бөлүмүнүн офицерлери шаар аймагын кыдырып чыгып, жалпы суу объектилеринде (бассейн, БСР жана көлмөлөр) жарандардын жайкы эс алуу мезгилин коопсуз өткөрүү боюнча түшүндүрүү иштерин жүргүзүүдө.

Кооптуу суу объекттеринде эскертүү белгилери орнотулуп, сууга түшүүгө уруксаты бар бассейндерде сууга түшүү эрежелеринин камсыздалышы, аймакка жооптуу куткаруучулардын сертификаттары текшерилди. Эс алуучуларга копсуздук эрежелери эскертилди.

КР ӨКМ ПРЕСС-БОРБОР