БАТКЕН: КАДАМЖАЙДАГЫ ООРУКАНАДА ТҮНКҮ МАШЫГУУ ӨТКӨРҮЛДҮ

Бекитилген иш мерчемине ылайык, Кадамжай шаарындагы жалпы дарыгерлер практикалык борборунда өрт-тактикалык машыгуу өткөрүлдү. Машыгууга Кадамжай району боюнча ӨКБнүн №76 өрткө каршы куткаруу бөлүгүнөн өрт өчүрүүчү-куткаруучулар, кошумча күч катары 3-өзүнчө мобилдештирилген тоо кырсыгынан куткаруу взводунан куткаруучулар тартылды.

Аталган борбордун өрт чыккан учурда даярдыгы, коопсуздук эрежелеринин сакталышы жана өзүн алып жүрүү эрежелери практикада текшерилди.

КР ӨКМ ПРЕСС-БОРБОР