Ашууда калган жүк ташуучу унаанын айдоочусу изделүүдө

Такталган маалымат боюнча ал Белоруссия өлкөсүнүн жараны

19-сентябрь күнү Нарын облусунун Кочкор районунда Бишкек-Нарын-Торугарт унаа жолунун болжол менен 275-чакырымында (Калмак-Ашуу ашуусу) “МАН” үлгүсүндөгү жүк ташуучу унаа ашуудан чыга албай, жолду тосуп калгандыгы тууралуу маалымат түшкөн.

Саат 23:15те ыкчам түрдө жерине Өзгөчө кырдаалдар министрлигинин Кочкор райондук №42 ӨКБдан 3 куткаруучу тартылган. Бирок куткаруучулар жерине жеткен учурда токтоп турган унаанын айдоочусу жок болуп чыккан. Маалыматка ылайык ал Белоруссия өлкөсүнүн жараны. Учурда куткаруучулар издөө ишин жүргүзүүдө.

Кошумча малымат берилет.

КР ӨКМ ПРЕСС-БОРБОР