АРСТАНБАП-АТА: СЕЛ КАПТАГАН АЙМАКТЫН 60% ТАЗАЛАНДЫ

Саат 13:00 гө карата Арстанбап-Ата айыл аймагында Өзгөчө кырдаалдар министрлигинен 90 куткаруучу, райондук Жарандык коргонуу кызматтарынан 554 кызматкер тартылып, сел каптаган аймактардын 60% тазаланып бүткөрүлдү.

Мындан сырткары 14 инженердик техника, 13 атайын техника тартылып, сел каптаган ички чарбалык жолдорду тазалоо жана калыбына келтирүү жумуштары жүрүүдө.

Сел суулар каптаган 9 турак жайдын ээлерине Кызыл Ай коому тарабынан гигиеналык каражаттар таратылып берилүүдө.

Жеринде ӨК министринин орун басары, полковник Урматбек Шамырканов координациялык жумуштарын жүргүзүүдө.

КР ӨКМ ПРЕСС-БОРБОР