АЙДООЧУЛАРГА ӨРТ ӨЧҮРҮҮЧҮ КАРАЖАТЫ БЕЛЕККЕ БЕРИЛДИ

13-июнь күнү Бишкектин Ала-Тоо аянтында унаалар токтотулуп, айдоочуларга өрт өчүрүүчү каражаттар берилди.

Күтүүсүздөн берилген белекке айдоочулар кубануу менен кабыл алып, уюштуруучуларга терең ыраазычылык билдиришти.

Унаа ээлери үчүн маанилүү жана жагымдуу болгон иш-чара "Jubilee Kyrgyzstan" камсыздандыруу компаниясынын демилгеси жана колдоосу менен Бишкек шаардык милициянын кайгуул кызмат жана ӨКМдин Бишкек шаардык башкармалыгынын уюштуруусунда өткөрүлдү.

Иш-чаранын алкагында ӨКМдин адистери унаадагы өрт коопсуздук эрежелерин, ал эми ИИМдин кайгуул кызматынын кызматкерлери жол коопсуздук эрежелерин жеткирип, нускамаларды таратышты.

Белгилей кетсек аталган иш-чара 15-июнь – Өрткө каршы кызматынын түзүлгөндүгүнүн 98 жылдыгына карата өткөрүлдү.

КР ӨКМ ПРЕСС-БОРБОР