14 ЖАШТАГЫ БАЛАНЫ ИЗДӨӨ ИШТЕРИ УЛАНУУДА

Бүгүн, 27-август күнү 14 жаштагы баланы издөө иштерине ӨКМдин Бишкек шаардык башкармалыгынын башчысы, подполковник Э.Жусупов баштаган 13 куткаруучу 2 кайык менен Чоң Чүй каналынан издөө иштерин жүргүзүүдө.

Белгилей кетсек, 15 куткаруучунун ичинен 5 суучул-куткаруучу Өзгөчө кырдаалдар министри генерал-майор Бообек Ажикеевдин тапшырмасы менен Талас облусу боюнча башкармалыгынан келип, жеринде иш алып барууда.

Эске салсак, 23-августта Бишкек шаарынын Октябрь районундагы Көк-Жар айылынан А.А аттуу 14 жаштагы бала сууга агып кеткендиги тууралуу маалымат түшкөн.

Аталган жаранды издөө Өзгөчө кырдаалдар министри, генерал-майор Бообек Ажикеевдин жеке көзөмөлүндө жүргүзүлүүдө.

КР ӨКМ ПРЕСС-БОРБОР