КЫЗЫКЧЫЛЫКТЫ БИЛДИРҮҮ ӨТҮНҮЧҮ

(КОНСУЛЬТАЦИЯЛЫК КЫЗМАТ КӨРСӨТҮҮЛӨР – КОНСУЛЬТАЦИЯЛЫК КОМПАНИЯЛАРДЫ ТАНДОО)

Кыргыз Республикасы

Долбоор: «Кыргызстандагы табигый кырсыктардын тобокелдиктерине туруктуулукту жогорулатуу» (ERIK, ERIK AF)

Кредит №: IDA 66870

Грант №: IDA D6550

Келишим №: KG-CS/CQS-09

Тапшырманын аталышы: Кыргыз Республикасында турак жай имараттарын өзгөчө кырдаалдардан милдеттүү камсыздандыруу боюнча дооматтар менен иштөөнүн натыйжалуулугун жогорулатуу боюнча консультациялык кызмат көрсөтүүлөр

«Кыргызстандагы табигый кырсыктардын тобокелдиктерине туруктуулукту жогорулатуу» (ERIK) долбоорунун 3-компоненти: Табигый кырсыктардын тобокелдиктеринен финансылык коргоону жана камсыздандырууну өркүндөтүү.

Жооптуу органдар: Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматы, «Мамлекеттик камсыздандыруу уюму» ачык акционердик коому.

Компоненттин негизги максаты — Кыргыз Республикасынын Өкмөтүнүн өзгөчө кырдаалдардан келип чыккан финансылык кесепеттерди азайтуу боюнча жүргүзүп жаткан иш-аракеттерин колдоо.

Тапшырманын максаты — Кыргыз Республикасынын Өкмөтүнө, «Мамлекеттик камсыздандыруу уюму» ААКсына (МКУ) жана потенциалдуу камсыздандыруу пулуна Кыргызстанда турак жайларды милдеттүү камсыздандыруу боюнча камсыздандыруу төлөмдөрүн башкаруу жаатындагы институционалдык жана операциялык негиздерди бекемдөө боюнча консультациялык колдоо көрсөтүү.

Тактап айтканда, бул тапшырманын алкагында төмөнкү иштерди аткаруу каралат:

• Дооматтарды жөнгө салуунун учурдагы абалын талдоо жана дооматтарды башкаруу жол-жоболорунун натыйжалуулугун жогорулатуу, ошондой эле зыяндарды баалоо методологиясын өркүндөтүү боюнча сунуштарды иштеп чыгуу, анын ичинде дооматтарды жөнгө салуунун ички эрежелерин иштеп чыгуу;

• Ири масштабдагы табигый кырсыктардан кийин камсыздандыруу боюнча түшкөн көп сандагы арыздарды кароо үчүн резервдик мүмкүнчүлүктөрдү пландаштыруу;

• «Мамлекеттик камсыздандыруу уюму» ААКсынын колдонуудагы маалыматтык технологиялар системасын талдоо жана турак жай имараттарын милдеттүү камсыздандыруу боюнча арыздарды «Мамлекеттик камсыздандыруу уюму» ААКсынын маалыматтык технологиялар системасын пайдалануу менен кароо түзүмү боюнча сунуштарды иштеп чыгуу;

• Финансы рыногун жөнгө салуу жана көзөмөлдөө кызматынын, «Мамлекеттик камсыздандыруу уюму» ААКсынын жана башка тиешелүү кызыкдар тараптардын потенциалын сунушталып жаткан жол-жоболордогу өзгөртүүлөр жана катастрофалык облигацияларды пайдалануу маселелери боюнча чыңдоо боюнча иш-чараларды өткөрүү.

Консультант Кыргыз Республикасында турак жай имараттарын өзгөчө кырдаалдардан милдеттүү камсыздандыруу боюнча дооматтар менен иштөөнүн натыйжалуулугун жогорулатуу багытында техникалык жана консультациялык кызматтарды көрсөтөт.

Тапшырманы аткарууну 2026-жылдын октябрь айында баштоо пландаштырылууда. Тапшырманын күтүлүп жаткан мөөнөтү — тендердин жеңүүчүсү менен келишимге кол коюлгандан кийин 6 ай, ошондой эле негизги келишим аяктагандан кийин 12 ай консультациялык колдоо көрсөтүү каралат.

Тапшырманын болжолдуу наркы бардык салыктарды, анын ичинде жергиликтүү салыктарды кошкондо, 250 000,00 АКШ долларынан ашпоого тийиш.

Кеңири техникалык тапшырма (ТТ) менен төмөнкү шилтемелер аркылуу таанышууга болот: www.zakupki.gov.kg («Долбоорлор тарабынан жарыяланган сатып алуулар» бөлүмү), www.donors.kg, же төмөндө көрсөтүлгөн дарек боюнча алууга болот.

«Кыргызстандагы табигый кырсыктардын тобокелдиктерине туруктуулукту жогорулатуу» долбоору тиешелүү талаптарга жооп берген консультациялык компанияларды (Консультанттарды) Кыргыз Республикасында өзгөчө кырдаалдардан турак жай имараттарын милдеттүү камсыздандыруу боюнча дооматтар менен иштөөнүн натыйжалуулугун жогорулатуу боюнча кызматтарды көрсөтүүгө кызыкдар экендигин билдирүүгө чакырат.

Кызыкдар компаниялар көрсөтүлө турган кызматтарга карата өздөрүнүн квалификациясын жана тиешелүү тажрыйбасынын бар экендигин тастыктаган маалыматтарды берүүгө тийиш.

Кызыкчылык билдирүү этабында Консультант төмөнкү минималдуу талаптарга жооп бериши керек:

1. Камсыздандыруу боюнча дооматтарды башкаруу жаатындагы тажрыйба:

Акыркы 5 жыл ичинде төмөнкү иштерди камтыган кеминде эки (2) окшош долбоорду ийгиликтүү ишке ашыргандыгын тастыктаган тажрыйбасы болууга тийиш:

● камсыздандыруу боюнча дооматтарды жөнгө салуу процесстерин талдоо;

● зыянды баалоо жана камсыздандыруу төлөмдөрүнүн өлчөмүн аныктоо методологияларын иштеп чыгуу же кайра карап чыгуу.

2. Табигый кырсыктардан камсыздандыруу жана мамлекеттик органдар менен иштөө жаатындагы тажрыйба:

Мүлктү камсыздандыруу өнүмдөрү жана/же камсыздандыруу боюнча дооматтарды жөнгө салуу механизмдери боюнча кеминде эки (2) долбоордо/программада катастрофалык тобокелдиктер менен иштөө боюнча тастыкталган тажрыйбасы болууга тийиш.

Мамлекеттик органдар менен иштөө тажрыйбасы чоң артыкчылык болот.

Консалтинг фирмаларынан алынган кызыгууларды баалоодон кийин, техникалык жана финансылык сунушту берүүгө эң квалификациялуу фирма (эң жогорку балл алган) гана чакырылат. Кызыкчылыктарды билдирүүнү баалоо этабында негизги персонал бааланбайт. Консультанттар Дүйнөлүк банктын кызыкчылыктардын кагылышуусу саясатын белгилеген, 2016-жылдын июль айында чыгарылган, 2025-жылдын февраль айында өзгөртүлгөн жана кайра каралган Дүйнөлүк банктын IPF карыз алуучулары үчүн сатып алуулар боюнча көрсөтмөлөрүнүн (Сатып алуулар боюнча көрсөтмөлөр) III бөлүмүнүн 3.14, 3.16 жана 3.17-пункттарына көңүл бурушу керек.

Консультанттар квалификациясын кеңейтүү максатында башка компаниялар менен бириге алышат, бирок мындай биригүү биргелешкен ишкана жана/же субконсультанттар формасында экендигин так көрсөтүүгө тийиш.

Биргелешкен ишкана түзүлгөн учурда, биргелешкен ишкананын бардык өнөктөштөрү тапшырманы ишке ашыруу үчүн биргелешип же өз-өзүнчө жоопкерчилик тартууга тийиш.

Ар бир өнөктөштүн — башкы өнөктөштүн жана өнөктөш/өнөктөштөрдүн — ролун көрсөтүү менен биргелешкен ишкана түзүү жөнүндө макулдашуу же аны түзүү ниети жөнүндө документ берилиши зарыл.

Бирок субконсультанттын тажрыйбасы талапкерлерди тандоодо эске алынбайт.

Консультант CQS – консультанттын квалификациясына жараша тандоо ыкмасына ылайык, Сатып алуулар эрежелеринде белгиленген тартипте тандалат.

Кошумча маалымат алуу үчүн төмөндө көрсөтүлгөн дарек боюнча жумуш убактысында саат 09:00дөн 18:00гө чейин (жергиликтүү убакыт боюнча) кайрылууга болот.

Кызыкдар экендигин билдирүүлөр англис же орус тилдеринде жазуу жүзүндө же электрондук түрдө төмөндө көрсөтүлгөн дарекке 2026-жылдын 8-сентябрынан кечиктирбестен, саат 17:00гө чейин (жергиликтүү убакыт боюнча) түздөн-түз, почта аркылуу, факс же электрондук почта аркылуу берилиши керек.

Кошумча маалымат алуу үчүн төмөндө көрсөтүлгөн дарек боюнча жумуш убактысында саат 09:00дөн 17:00гө чейин (жергиликтүү убакыт боюнча) кайрылууга болот.

Кимге: Жылдыз Токторбаевага,

КР ӨКМ алдындагы Долбоорлорду ишке ашыруу бөлүмүнүн директоруна

Дареги: Кыргыз Республикасы,

Бишкек шаары, Манас проспектиси, 101/1, 3-кабат

Тел.: +996 (312) 32 38 65, +996 505 912515

E-mail: erikprocurement@gmail.com

ТЗ на разработку страховых претензий